البشر دول أبـ,,ـشع مخلوقات في الدنيا💔😭سامحينا يا حبيبتي😭
✍🏻طفلك ليس ملكك..
الوالدان هما الأخـ.ـطر على أطفالهما...
إنت بتعرف شو يعني تعطي الأمان لطفل وتغدر فيه وهاد الطفل بيكون واثق فيك ؟؟
وجعني قلبي كتير مثلكم عالفيديو إلي انتشر عن رجل سوري في غازي عنتاب بيقوم بتـ.ـعنيف طفلة لم تتجاوز ٣ أعوام بطريقة سادية مقززة
المريض السادي بيعطيها الأمان للطفلة وبيأمرها تجيه وكلما قربت منه بيتفنن بتعذيبها، بيرفسها بيدورها من شعرها بيشيلها وبيلحشها عالأرض ويخبطلا رأسها وينزل فيها هبد كفوف كل هاد عجسم طفلة!!!
بيقولوا أنه زوج أمها ..بصراحة ما قدرت عيد المقطع الوحشي حسيت جسمي بينسل مني،
بس بتعرفوا شو الي بيحرق القلب و أكثر من أذية الطفلة المعنفة؟؟ وجود إمرأة مستلقية خلف الرجل تراقب بكل برود مايجري لأنها معتادة عهالشي ويمكن بتقوم بنفس فعله، أما المصور كارثة أكبر
هدول كلهم شركاء بالجريمة وعينات صغيرة من آفة مجتمعية موجودة من زمان مالها جديدة موجودة تقريباً بكتير بيوت عربية مو بس سورية .
إذا مالكم خرج تكونوا أب و أم وتستبدلوا لغة التعنيف الجسدي والنفسي بلغة الحوار أو العقاب المادي "الحرمان من أشياء متعود عليها" لوقت محدد" ، فلا تتزوجوا ولا تخلفوا ..الوالدين أكثر الناس خطر على أطفالهم لأن مجتمعنا مليء بالمرضى النفسيين وقليلة الناس الخالية من هي الأمراض
هاد الطفل إلي أنجبته إنت أو إلي بترعاه إنت ليس ملكك !! ولا أنت مفضل عليه إنك منحته الحياة بقدرة الله!!!
إيمت حنفهم أنه أطفالنا مو ملكنا ملك أنفسهم فقط ولا نملك سلطان عليهم لتعنيفهم أو ترهيبهم ؟؟
قوانين أوروبا صح بسحبها الأطفال من الأهل غير الأسوياء أو المقصرين تجاه أطفالهم لتحميهم منهم وإن وجدت حالات مجحفة اعتقد إنها نادرة بحق الأهل بحرمانهم من أطفالهم وياريت تطبق عنا مع حبس الجناة المشدد..
إنت مسؤوليتك كأب أو أم أو راعي للطفل تتلخص فقط في خدمته تأمين سبل المعيشة له من المأكل والمشرب ومنامة وتعليمه وتلقينه السلوكيات الصح، وإبعاد الأذى عنه وحمايته بس ما أكثر، سواء عجبك أو لا هي الحقيقة إلي لازم نستوعبها ولازم القوانين تدعمها وتحاسب معتديها بشكل صارم جداً
ما بستبعد يكون متحرش بالطفلة كمان لأن هيك نماذج سادية تفتقر للقيم والأخلاق والضمير والله يحمي هالأطفال..
بقى حاج "تقولوا اشتقنا لقسوة أهلنا علينا" لأن هي عبارة لوصف المرضى النفسيين الساديين، أما الإنسان السوي مليان حب وحنية وأمان اتجاه طفله وأي طفل آخر.
سوري يعـ.ـذب طفلته في تركيا